بعدني وياك بالعشره و لا زال (مع تحيات احمد الجبوري)

بعدني وياك بالعشره و لا زال
وكلبي ما يحب غيرك و لا زال
تراني صادق بحجيي و لازال
محبتك بالكلب غصبن عليه


يصاحب طال الهجرمرعلينة
وحتى الزاد بعدك مرعلينة
اذابعدك تحبنة مر علينة
تعال وكروة التكسي علينة تحياتي


أحبك أنت أنه موش ثاني
واحبك من جديد بعمر ثاني
واذا روحي تحل بجسد ثاني
بيك انت تحل ونتعايش سويه


مرتب ماشفت مثلك ولا صاك
منهو الغيرك عني ولاصاك
عمري مكتلت واحد ولا صاك
بس لجلك اصك روحي بديه


وحق اهل الوفه والملح والزاد
الكرم أفضل معاني الشيم والزاد
حلالي ما يهمني النقص والزاد
تهمني الناس شتسولف عليه



شكد بعيد الدرب مابين سكتي وسكته
واتمنى اليا بجه حبيبي انا ابوسه وسكته
واني خلصت حبي بس نظرة وسكته
وسكتت واخاف السكته أطول بيه


ردت روحي ويروحك دوم يصفن
ودموعي عليك ما ضن يوم يصفن
تكول الناس هذه شبيه يصفن
ما تدري بغرامك لعب بيه


حبيبي من الهوى نصلي ونصلاك
وواجب نعتني شخصك ونصلاك
نص مهجتي الي ونص لاك
وثلثين العقل والباقي اليه


اكتبلي اشما ردت تكتب وردلك
بساتين بوسط روحي ورد لك
اغيب وابتعد وازعل وارد لك
لان الكلب بيدك مو بديه


ياما فرشت لاحبابي وغطيت
تعبت ماحصلت كلشي وغطيت
عليه تامروا كلهم وغطيت
شلون احباب تتأمر عليه


إشفافك عسل و حصتي مرة منهن
وإكطعلي جلاي سهمك مرة منهن
إشكم مرة لحكتك ومرة منهن
مو أنت إطلعت وشصار بية


ها تــــــعبني حبك ها اذاني
دخت ها يا صلاتي ها يذاني
اكول التوبة ما احب هاي اذاني
اهد ذاني ويرد حبك علية


يهل ناديت بأسم هواي عيدة
ويهل ماخذ دليلي وياك عيدة
الكلب موبس بالعيد عيدة
عندي العيد من نكعد سوية

الله عللللللللللللليك يا روووووووعة

شوف يا معلم شوف كرار كيف يتكلم كم انته كبير يا كوكو زين الدين كرار كم اسعدني مرورك

حلو يعطيك العافيه