& قمة *الشعر &

زمانك لو زعل وياك خله
واسكت لا تبين بيك خله
موسهله الخليل يعوف خله
بس صعبه الكرامه تموت بيه


حلوه الشامه البخدك ودكه
وتدك وياي دكه باثر دكه
بعد ما اوصل الدارك ودكه
لان ساسك رمل ونهدم بيه



فاض الشوك بينه والمحنه
ويكون احضى بخيالك والمحنه
الم شمعات بيه والم حنه
حزنن لان ما مريت بيه



ربع عمري الج يرخص ونصفي
يحلوه ارجوج افهميني وانصفي
نصفي غارك بحبج ونصفي
سبع لوعات بسيبجن عليه



دريتك بيه تغدر واعلمنك
وصيتي تفوق صيتك واعلى منك
يصير الخيرباجر واعلمنك
واصفالك وارد الحك اليه



وحك حجة الاهك منتظركم
روحي بنار احطها من تظركم
صار اشكد اتاني ومنتظركم
سبع ساعات ما فكرتو بيه

شي روعة جدا مشكور حبي الموضوع روعة

بتجنن والله \

شكرا