احــــذرك @ شعر وجداني

أحذرك لاتحبني اتكلي يهواي.......وبعد شتفيد وياي التحاذير
اذا انته ابدليلي وعايش وياي........مثل باب وتثبتهه البسامير
اعوفك ليش اعوفك ونته معناي......ومن دونك اظل أبغير تفسير
ومثل عازف الناي الكاسر الناي......ومثل صبوره اظل بلا طباشير

انه بلياك شجره امفاركه الماي.......وطير بلا جنح مايكدر ايطير
ونه بليك اظل تعذرني من هاي ........مثل خشبه وتكطعهه المناشير
يانجمة فجر مبتسمه بسماي.........اذامني شفت فد يوم تقصير
بس كلي عليه أتخاصم وياي........وبيعن عمري كله بلايه تسعير
لان فضلك علي يامهجتي اهواي..........مثل فضل النهر وي النواعير

اطلب كل شي مني انطيك عيناي..........ونطيك اني كلي بدون تقصير
وظل اني احبك ونته بلواي............بس مال اني اعوفك هايه متصير

شكرا موضوعك روعه

يدللو غلاي آآآآآ اتمنى ان يـ*ـنـ*ـ^ـال اعًجـ*ـابَكمْ

تدلل حبيبي ولو

شكرا على مرورك الرائع

تدلل حبي هذا ذوقك