ابو ذيات عراقية

احلى وارق الابوذيات العراقية


حبكم من تذكروني واعاتب
لونسيتوني لان انتم نبض كلبي
وانتم روحي وعيوني*
احبك يا نور عيوني


طبعت حروف اسمك على كلبي وشم لك
واظل انادي على احبابي وشملك
من تفوت اتعطر بعطرك واشمك
ترد الروح من انت تمر علية


نواجذ بعد مابين وسره
وحگ زينب وهضمته وسره
علتي اوياي ماتبره وسره
لما الباري يعود الشمل ليه

صديقي اجرب ولكن ماعداني
ومشت وياه كلهه ما عداني
بوكت الخير ينسه ما عد داني
مرّه العوز دگ بابي عليه


منتا اخوي ومنتا خالي ومنت عمي
بس ضوا ودوا عيوني هاذي من تعمي
بيا حب وبيا فرحة من تعمي
ومن تخص تخصك انتا بالذات اليا

ازعل ياوطن وارجع واراضيك
واحن ابغـربتي الناسك واراضيك
تفرج ما تظل طبعاً وارى ضِـيك
وترجع من صدگ بغداد اليه


شربت شربته اليوم والماي
والجمل بالصحرا ما يريد الماي
كلب الجرحته يصيح وألم آي
لك جرحي عميق اليوم بية


نسيت ايام حلوه عشته بيهه
والشجره البنينه عشنه بيهه
وحك يثرب الجانت عش نبيهه
ماانساك اعتاب المنيه



انة شديت جرحك ليش حليت
مثل حلت مدارس علي حليت
ذكرتك با متحان وغلط حليت
شجاوب وانتة شاغل حتة دية


منهو الكدرك يازين من ساك
يبو ثغر البعود الارك منساك
انه بحتف المنايه وكلت منساك
بنهر جاسم وذكرك عصف بيه


غرامك ما نصفني بيوم ويميل
ودليلي لا تظن ينساك ويميل
الك موقع بنص القلب وايميل
دبليو دبليو دوت احبك مو بيدية @


صعب نسيان ولف العمر و الروح
و عنك لا تظن نبتعد و نروح
اذا راح النظر و حيل و الروح
اوديلك ثمر كلبى هديه




يارب تنال اعجابكم

عاشت الايادي يا مبدع

رووووووووووووووعة

يسلم مرورك الرائع يااصيل :&^<: