سميتك نجف بس ردت اشوف الموووت - قصيدة

سميتــك نجـف بس ردت أشـوف المووت


على المأكو بعد هيهات أبَجي العين
ولا أمشي الجدم على المــامش بشورك

صرت موكَد جمر وبحضني شلت النار
ولاجديت الجمر من باب
تنورك

بستانك حلف مايشرب الماي
وغطاه الملح واندفنت
زهورك

ناطورك جنت وع الصبخه بيرك جان
وياورده التموت تحلفه
ناطورك

مثل دم القلم من الورده تطلب ثار
وذباحك حرف ويضيح
بسطورك

سميتك نجف بس ردت اشوف الموت
دفنت العين كوه بوحشت
كبورك

حنيت الجفن والدمعه سدهه اللون
ولايبجن بعد بهلال
عاشورك

ولاصيرن نهر يجري اعله طولي الماي
يذبني اعله الملح مليته
ناعورك

ولاصيرن كحل واستر دموع العين
وتبدل الكحل برماد
تنورك

بحرك شعر ابني علىى جرفه الموت
بس شبخت قلم واعبرهن
بحورك