ابوذيات عتاب الحبيبه والحبيب

الحبيبة:
هجرك يا ولف صاير.......بلا حد
مثل سيف اليكص ركبة...بلا حد
كلتلي انتظري انا ارجع....بالاحد
اجه الاحد ويمتى تعود اليه
********
الحبيب:
أحد سجين صبري وجن.....ولا احد
التفت وما شفت ربعي.......ولا حد
جم سبت اليمر بيا ............والاحد
اجي بس شوفتج تصعب علية
*******

الحبيبة:
لا تهم بالعمر خلصان........وحدة
وانا ضعني سرى بالهوى....وحدة
حلت جنها بعيونك غير ......وحدة
وكمت ما تجي وما تسأل علية
******

الحبيب:
غيرج ما حلى بعيني....ولا طاب
ولا دونج دخل قلبي.....ولا طاب
يا جرحي وياج لا هود...ولاطاب
دم ينزل ولا تدرين بية
******

الحبيبة:
محبتك تسري وي روحي....وي دماي
وعليك انشلت عظامي.........و يدماي
انجويت بيد انا نار.................ويد ماي
لكن من يطابكهن سوية
******

الحبيب:
عليج الروح راحت...........من يردها
و وكيحة همومي صارت....من يردها
خطية الروح ملت...........من يردها
لأن بس الصبر يسأل علية
*******


ارجو ان تنال اعجابكم

ذوووووووووووق عاشت ايدك واااااصل

حياك نورت وابدعت

سماك
حلو إسمك وأبوك شلون سماك
حبيبيك لو زعل وياك سماك
صرت سمچه وانت الصرت سماك
لو طحت بحنانك إعطف عليه

جنت انت المرض وانت دوالي
وصارت بالجدم منك دوالي
اهديتك گلبي وتگلي دولي
وصرت دم ودمع تذرف عليه

زماني شما لعب بيه...ولهتم
والراده علي يسري...ولهتم
بروحي شماتغيرتوا...ولهتم
لان حبكم دوه لكل مرض بيه

كلمات رائعه
جزاك الله خيرا
الله يخفظكم يا اهل العراق

شكرا همسات انتي الاروع بمرورك يارب يحفظ الجميع امين سلام