فجر الربوع اللي مضى ساق الاوجاع
وسبب لقلبي يالجماعه مصـــــايب
راح الذي عم البشر صيــــــــته وذ1ع
راح الذي لا ماتهده متـــــــــــاعب
راح الكريم الوافي وسمح الاطباع
راح الصــــمود بوجه كل المصايب
راح الذي لاقال يسمع وينطاع
ولاهو من اللي يتبعون الطــــــــــلايب
راح الذي ماهو بخيل وطماع
ولا مره رد الغلط بالســــــــــــــبايب
يروي كما يروي المطر يابس القاع
ويعطي كما يعطي جزيل السحايب
يارب انا ماني قنوط وجزاع
أمرك وحكمكـ ياعظــــــيم الوهايب
تسعه سنين كلها سقم واوجاع
يعيشـــــــــها عبدك ضعيف وشايب
ياااااارب نجه يوم خلق الله إفزاع
وظلله بظلك من سعير اللهايب
وجنات عدن خلها لعبد متاع
وعوضه عن داره بدار المكاسب
خااالي برحيلك عود القلب ملتاع
رحلت عنا والجسم صاار ذايب
اقسم بربي لو هي الروح تنباع
وتعود شمسك ياعظيم النسايب
لتشوفني في سوق الارواح بياع
وش فايده روحي إذ1 صرت غايب ؟؟!
السبت مايو 24, 2014 6:33 am من طرف ٱعقَل ٱلمجَٱنٌيّنٌ
موضوع: مرثية 
