بيوريتانيه

موضوع: بيوريتانيه الإثنين يوليو 23, 2012 2:23 am

الپيوريتانيه ( التطهير ) Puritanism أو Puritan ، هى مذهب مسيحى پروتيستانتى فيه خليط من الأفكار الاجتماعيه و السياسيه و اللاهوتيه و الاخلاقيه. ظهر المذهب ده فى انجلترا فى عهد الملكه اليزابيث الأولى و اذدهر فى القرنين ال 16 و ال 17 و نادى بلغى اللبس و الرتب الكهنوتيه. بعد شويه حلت على اتباع المذهب نزعات انفصاليه و ابتدت طايفه ورا طايفه تنشق عن كنيسة انجلترا Church of England الرسميه و بعدين ابتدت تحصل انشقاقات فى الطوايف نفسها. قاومت الطوايف البيوريتانيه كنيسة انجلترا و بعد ما انتصرت حركتهم فى الثوره البيوريتانيه اتخانقو مع بعض ، لكن فى القرن 17 رجعت الملكيه من تانى و قضت على حركتهم فى انجلترا فهاجرو على نيواينجلاند New England فى شمال شرق امريكا و استقرو و ساد مذهبهم هناك لفتره طويله. البيوريتانيين Puritans اصوليين مسيحيين اتعاملو مع مجتمعاتهم بطريقه ثيوقراطيه و القسسه عندهم كانت ليهم سلطه مطلقه لمراقبة سلوك الأفراد و كان فيه تحريمات كتيره فكان فيه تزمت و كبت كبير بيسيطر على حياتهم و مجتمعاتهم. بسبب كترة التحريمات و التزمت و الكبت اتعرض مجتمعهم فى نيو اينجلاند لظاهره هيستيريه اتعرفت باسم " محاكمات السحر فى سالم ".