أدفنست ____احد المذاهب المسيحيه

الأدڤنست أو السبتيين - بالانجليزى: ادفنتيزم Adventism (من كلمة ادفنتوس اللاتينى و معناها المجيه). فى المسيحيه، جماعه دينيه بتقوم عقيدتهم على المجيه التانيه للمسيح، و بتعتمد على تعاليم وليام ميللر William Miller (اتولد 1782-اتوفى 1849) اللى اتنبأ بإن نهاية العالم حاتكون فى سنة 1843، و بعدين قال فى سنة 1844، و لما ما اتحققتش نبؤته اعلنو رجوع المسيح فى زمن مش محدد بعد قيامة الاموات و بداية العصر الالفى. اتسمو بعد كده "أدڤنست انجيليين"، و من سنة 1846 اعلنو قدسية يوم السبت من غروب شمس الجمعه لغروب يوم السبت. و بقت ليهم كنيسه اسمها كنيسة أدڤنتستين اليوم السابع Seventh-day Adventist Church. بيعترفو بالست "آلن جولد وايت" Ellen G. White كنبيه ملهمه و ليهم نشاط واسع فى العالم.

بسبب اختلافاتهم بخصوص نبوءات هوايت انقسمو و شكلو جمعيه اسمها "كنيسة الرب" و كنايس اسمها "كنايس الرب ليسوع المسيح". بيؤمنو بفنا الاشرار بالكامل و معتقدات تانيه ما بتؤمنش بيها المذاهب المسيحيه التانيه.